Poorv mein hui utpan,
Janani ka na koi naamo nishan,
Nikal padi woh pankh failaakar,
Apni baahon mein rog aur aahat mein dar lekar.

Aage se thoda Popatlal ko overtake usne ki,
Aur duniya ki hi duniya hilaayi,
Pehelwaanon ko bhi kiya usne bhaybheet,
Man ke vehem ko kar gayi woh jeet.

Whatsapp pe joke aur hoax jo the forward karte,
Aaj inke charche padkar bhaage haath dhone,
Bus mein shayad woh rahi hogi yeh soche,
Magar woh toh saans mein bhi basti hai, yeh bhoole.

Fir ek forward ne yaad dilaya,
Toh tanaav inka dugna hua,
Fouran chemist ki aur daude,
Bheed mein jung jeetkar bees mukhaute le aaye.

Khaasna bhi ek guna ho jaayega,
Yeh na socha tha kabhi,
Angrezon se bhi yeh namaste karwayegi,
Yeh toh khwab mein bhi na dekha kabhi.

Bhedbhaav karna bhi sikhaya,
Apnon ko bhi door karaya,
Sach aur afwah mein ab na koi antar,
Bheja usne duniya ko ghar ke bheetar.

Jagruk hona galat nahi,
Magar sada chintith rehna bhi kahan hai sahi,
Uss se chaturai ghate, aur dukh se shareer,
Yeh hi toh keh gaye daas kabir!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s